الشاعر/ هواش بن عايد الحربي .. رحمة الله

السلام عليكم ورحمة الله وبركاتة
جبت لكم موضوع عن
الشاعر الكبير : هواش بن عايد السليمي الحربي

نبذه عن الشاعر:
هواش بن عايد بن زبن السليمي الحربي من المسره .ولد عام 1347ه عمل بالزبير من عام 1362-1365ه ومن ثم عاد للباديه في نجد ثم التحق بأفواج الحرس الوطني عام1368ه بقايدة الامير محمد السديري في سكاكا.ثم انتقل الى الشام بالفتره مابين 1369-1371ه ثم التحق بالحرس الملكي عام 1372ه ثم انتقل للامن العام سنة1373ه حتى عام 1384 حيث انتقل بعد للعمل بأمارة المدينه المنوره بعهد الامير عبدالمحسن بن عبدالعزيز وعمل بالمسيجيد ومن ثم انتقل للحرس الوطني بأوائل التسعينات هجري وبقي فيه حتى تقاعد عام 1-7-1416ه.لقبه (ابو عفريتة)..
حتى أنه يعرف به أكثر من اسمه الحقيقي..
وأما سبب التسمية ..
فكان هناك شاعر قلطة لا يشق له غبار لم يهزم قط ( داخل معسكرهم بالشرقية)
حتى جاء هواش ومن لقاء اول تغلب عليه بشهادة الجميع..
سأله أحدهم (كيف غلبت أبو جنيّة) ..
قال اذا هو ابو جنيّة انا (ابو عفريته ) فكان هذا اللقب...اتضحت شاعريته منذ الطفولة ..
فقد قال وهو ابن الخامسة عشرة..

راع الردى لا تكرهونه على الطيب=العبد ماله غيـر مالله كتـبلـه
اشهد شهادة حق مدح الردي عيب =مثل الصلاة اللي على غير قبله

كان رحمه الله يحب اقتناء الابل .توفي رحمه الله في 26-6-1425ه يوم الخميس بمسجده بعد أداءه صلاة الفجر بسكته قلبيه..
رحمه الله رحمة واسعه هو واخواننا المسلمين.((ماسبق نقلا من الاخ العزيز والشاعر ماجد بن هواش السليمي))

وهذه إحدى قصائدة

نمسي ونصبح بيـن وده وهاتــــه*** من عاش مندب بشكواه ومنـدوب

الحـب ياحـي جهـل واجـــــــــباتـه*** عذري ولابـه للمـــحبيـن ذاروب

وحي بـلا حـب شقيـه حــــــــــياتـه*** يعيش طوب وتنتهي مدته طـوب

من حب وراه الدهـر معــــجزاتـه*** مجنون ليلى راح يمشي بلا ثـوب

خله ينوح النـــــــوح هـذي طراتـه*** معطيه محبوبه من الناس عرقوب

يالله ياحام الحــــرام مـن غزاتـه*** في جاه مانزلت وأليـك منســــــوب

تجبر صواب اللي تـــــكـدر مباتـه***من ولعته منفي ومجفي و مصيوب

ليته وصف لي يوم وصلت وصاته*** والنصر من وهاب للعبد ماهـوب

حتى أتصرف بالخبر عـن فواتــــه***بأسلوب والا غال الارواح مجلوب

ينشد وأنصـي كـل فـج كفاتــــــــــه***بر وبحر حق وفريضه وماجـوب

وأكتب لرواد الفضا عـن صـــفاتـه*** ونبي نجند له بالاسباب مجـذوب

لازم يجي فس سيتـه وأحسناتـه*** بالطيب والاحبل الاكراه مكـروب

وأن كان مانقـدر نجيبـه بذاتــــه *** جينا وجبنا ثوب يوسف ليعقـوب

وهذه إحدى قصائدة أيضا

هاذي ثلاث ايـام والريـح غربـي ****وضرت شفاشيف شجرها مشافـي
تنسيف على روس والمراقيب تربي****ونص العـدود تصيبهـا بالجافـي
سلام للعـزام مـن عنـد حربـي****اه هـلا يـوم المعـاوش أقضافـي
سلام احلى من لبـن بكـر عربـي****لاهل السلـوم مشيديـن الرفافـي
ياما نصاهـم مـن بعيـد وقربـي****هجن مواجيـب عليهـن هجافـي
ياريف مـن بلـواه تـزداد كربـي****وحيـد يحـدى بالحديـد الرهافـي
اشكـي وابـي جهالكـم تعتبربـي****والا الرجـال يثمنـون القـوافـي
لو كان فعلي زان حظـي قصربـي****انا نقصت وصاحب النقص وافـي
ياهل المروه ماغـدا مـن قطربـي****ماخفي عليك ولا علـى الله خافـي
اللي نتاجر بـه مـن اول تجربـي****وانا صعب والوقت زيـن عسافـي
والحقد والبغض الدفين انتضربـي****والحظ جندي من جنـود المطافـي
شيب ناري من غضب مستعربـي**** وجاب المطافي لين صارت عوافي
وليـا تبادلنـا الشتايـم ظفـربـي****عندك خبر كيد القـوي للضعافـي
نظرت طليب ليا طليبـه نظربـي****وعـن يبقـه مايظهرنـي خفافـي
حظي عن الماء للماضي صقربـي****وارد حتايـف ييبـس الاشـافـي
وفي مثل بيت العنكبوت اختصربي ****وسجـل عليـه زلتـي باعترافـي
ومن مجتمع حي لحالـي ظهربـي **** ويوم التفـت ليـا ركابـه مقافـي
كل الليالـي منسـدح لـي بدربـي**** ويوم أدبرت معيه يطـق الدفافـي
وانغبت عن حلف الشوايا حضربي****ويغيب عن الخير على الناس ضافي
أول يصالح والسنـه ذي غدربـي****قلط لي الذرنوخ مع ذوب صافـي
حسيبـه الله للمهايـف شهـربـي ****ومن الطفوف يدفنـي مـع مهافـي
صايم مصلي مير حظـي كفربـي****بين القضا والصـوم جـود كتافـي

هاذي قصيدة للشاعر هواش الحربي في الشاعر بدر الحويفي

يابدر وش ياطيب العرف مطنيك
الشاهد الله من طناكم طنايا
والله ماصافي يالحوايفي معاديك
لو يصرفون الكون كله هدايا
يابدر حنا لك حرارٍ مماليك
ان يبست عقب الضحوك الشفايا
وان حاول الشباك نشر الشبابيك
اقدر على زرع اللغم بالزوايا
وتبي تشوف اللي من الفعل يرضيك
لابينوا سود القلوب الخفايا
وان كان عدوانك تحدوك عينيك
اجيبهم قدام عينك عرايا
والعز بالله والفخر يالفتى فيك
يوم البراء مردود بين البرايا
يابدر لا يطنيك قول الصعاليك
مأنته وكيل مجمعين الحكايا
انته على المعنى تركز معانيك
وضاعت عن قلوب الخطايا
خلك على مبداك الاول ولبيك
يوم ارداف المخطي عليك الخطايا
ابشر بمصقول من الضد يشفيك
سيف تشتت فيه جرد السبايا
وانا ماودي تاخذ الناس خافيك
لو هاض بالجره بعير الشوايا
احذر ترا الغاوي عن الدرب يغويك
ويرميك رايه بالخطأ والزرايا
وليا نشبت بمر رأيه يخليك
وينبحك مع سود الكلاب السعايا
واللي عرفت من التجاريب يكفيك
مأنته بحاجة يالحويفي وصايا

أتمنى أن أعجبكم الموضوع

مع تحيات
وهــــــ حياتي ـــــــــم

وهذه إحدى قصائده ايضا

أسمـع كفـاك الله شرالمصايـب
........... كـلام أديـبٍ مذهباتـه أذهوبـه
اللي مضالي عن هوى البيض تايب
........... وجددت لله عن هوى البيض توبه
وجتني من الخفرات شقرا ذوايـب
........... تشيـل بيـرق ماتبطـل حروبـه
وهللت وأبديت الفعـول العجايـب
........... لين أدبرت معيه وهبـت هبوبـه
وقلت ارحموا ياقوم مدري قرايـب
........... ياعنبرٍ مـن بنـدر الهنـد جوبـه
قالت لاوالله مارحمك وأنت شايـب
........... الشيب عند البيض كثرت اعيوبـه
ويالله يامـذري نسيـم الهبايـب
........... ياخالـقٍ عبـده وغافـر أذنوبـه
أنك تعرضهـا لغصـن النشايـب
........... وان تخلص خاطري مـن نشوبـه
تحطهـا بحبـال خطـو القلايـب
........... تغتربـه ولا علـيـه مغصـوبـه
مشـوه الصـورة قبـح الذهايـب
........... منقربجسمه يشكي الضيـم ثوبـه
دايم معرضهـا الجفـا والطلايـب
........... وأن قالت اعتقني تنفـخ ذروبـه

وشكرا

مشكورة اديك العافية ..
وربنا اوفقك دنيا واخره ..

...
ورمضان كريم....
................

» الشاعر الامير عبدالله الفيصل
» أيات شعرية لما مات رسول الله
» حكمة الله في نملة
» ادخل ولن تندم ان شاء الله
» الله ياخذ المنتدى كله ومن اسسه